Bisos


Premiata con "Menzione d' onore" a Ittiri il 20/06/2010
                                                      Ittiri Cannedu, 2010

                               Romanu  Adriani  Lay
Como ch’ in s’ atunzile so intrende
mi disaogo setzid’ un’ apena,
mentr’ in sa petza paso sa carena
isto cun su cherveddu meledende,
prus no ap ‘aguantu caminende
ma sa ‘etzesa non mi atit pena.


Nemmancu parent mios cussos pannos,
ch’ in bisiones de tempus barigadu
m’ ‘ido piseddu, ca bi so istadu,
m’ a deghinas bolados sunt sos annos,
eŕllu, che fedales ‘onnos-mannos,
nde so de sos ammentos ammajadu.


Setzidos in banchittos e cadreas,
su fog’ attesu catzend’ istinchiddas,
ansende sos chivalzos sas pobiddas,
sos betzos contasciende sas pelčas
de cando, soldadend’ in sas trincčas,
funt in gherra  cun iniměgas biddas.


E Donna-manna filende su linu,
risulana contende s’ ajania
cun faeddos ch’ ischiat iss’ ebbia,
tessčndelos che lězos in terrinu,
cun ŕlidos de froridu  giardinu
chi prus no ap’ intes’ in vida mia.
Ammentos de s’ amada antiga zente,
lumčras de sas nostras pitzinnias,
freguras ch’ in s’ amment’ addurant bias,
andantanas istellas in sa mente
presas cun-d una lňriga lughente
mi recůin cun giogos  e majias.


M’ ‘iso  in buttorinos chena lughes
chi funt s’ apent’ ‘e totu sos piseddos,
sutt’ a su lampizar’ ‘e sos isteddos,
pessighend’ a s’ iscurtza culilughes…
Ah meledu!.. A ue mi che giůghes?
Tand’ olvidu non b’ ap’ in sos cherveddos


si  m’ indelletto como recamende
sas tramas de su tempus barigadu
chi cun sos annos ap’ allorigadu
e ch’ a betzesa so islorumende,
a un’ a una las so assentende
cabales e mi lassant  ispantadu.


Fadada  pitzinnia e chimera,
su ris’ in laras, s’ intragn’ innotzente,
su cor’ abertu,  modosa sa zente,
cun tott’ in paghe, cussa fut s’ ispera;
como che maripňsas in s’ aera
cussas bisiones m’ allegrant sa mente.