In chirca ‘e sa zenia

In arresposta a su tema:

Dignidade, fiza e mama de…….

Segundu Premiu in su Cuncursu Logudoro Ozieri del  15/12/2013
                                                     Ittiri Cannedu 2013

                               Romanu  Adriani  Lay
Che andantanu ‘olo in sas aeras;
a caddu de chintales rujispanos
atraesso cunzados solianos
adojende sas rudes camineras,
chi mi cundůant e cun proas bčras
ue est sa dignidade ‘e sos umanos.


E cun su pensu sigo pro agatare
cun chie dignidade  est parentada
e da-i chie l’ apet eredada
bunda manera ‘e si cumportare,
ca no est cosa ‘e poder istrinare,
ma prella ch’ andat solu meritada.


Bido zente potente e dinarosa
cun samben’ in sas venas biaitu,
chi riverida est in donzi situ,
ca su ‘inar’ aporrit ‘onzi cosa,
chirchende so istiga meritosa
pro l’ imprentare alabadu diritu.


E tando da ue ‘enit cust’ erentzia?
Fiz’ e mama ‘e chi’ est sa dignidade?
De tzertu no est fiza ‘e vanidade
e mancu mama de sa prepotentzia,
forsis in parentella ‘e sa cuscentzia,
in bona parte puru ‘e s’ onestade.
Imbčrghid’ in calancas de sa mente,
b’ apo serrone che mai in vida mia,
agato su chi primmu non bidia
ca in intragnas est de paga zente,
ma l’ iscoberzo como tzertamente
custu triunfu ‘e nobile zenia.


Su miseru trabagliu in povertade
jobadu cun annčos e dolores,
brňtat che in beranu  cun fiores
e fumentos de manna dignidade,
prendas de oro pro s’ umanidade,
arcuparadu de milli colores.


Edducas iss’ est fiza ‘e sufferentzia,
de sabiesa  pustis iss’est  mama,
bonu telarzu tessid’ at sa trama
pro fagher  nostra cust’ isperientzia,
contivizada cheret cun sientzia
in nois sčmper bia che fiama.