“ Mama manna “

Premiata con “Menzione d’onore“ il 20/06/2009 a Ittiri


Dedicāda a sa Sardigna e a tottu sos ch’ an a bantu d’ esser Sardos
                                                     Ittiri Cannedu,  2009

                               Romanu  Adriani  Lay
Ses mama manna nostra soberāna,
Sardigna, prend’ ‘e oro in mesu mare,
giōgulu de sos ch’ āman poetare
ca su limbāzu nde lis bāttit gana,
cun-d un’ azėgu ‘e vena mesulāna
tottu sun giųttos a improvvisare.


Frunėd’ ‘e montes e baddes amčnas
Sardigna, in mesu mare prend’ ‘e oro,
cale fadada manu cun decōro
at criādu, pro no āer cadčnas,
attčsu da-i lācanas anzčnas:
Campidanu, Ogliastra, Logudoro,


umpār’ a āteros giassos risulānos
chi cųmprin cun parėnzos e costčras
rujādos da-i lėeras  andčras,
passazos de pastores andantānos,
de massajos e mastros artijānos,
de tottu sas persones fainčras.


In- d’ onzi punta b’ as unu runāghe,
chi s’ unu ‘idet s’ āteru  tottųe,
domos de janas ch’ asa solu tųe
e ozāstros cun ampru meriāghe,
nėe in Gennargentu che ambāghe,
ābbiles ojčnde da una nųe.
Bentu ‘erčttu sųlat fittiānu,
si frimmat a tres dėes barigādas,
sas arvures abbārran unchinādas,
intrat sutt’ a sas giannas rufiānu
fintzas ch’ ‘čnzat su ‘entu soliānu
ch’ addųlchit cussas frittas bentulādas.


Sa notte sos isteddos Istentāles
cun sa lun’ a cunsōn’ ana pintādu,
como, coment’ in tempus barigādu,
pro sos ch’ abbāidan, lėmpios signales,
fintzas ch’ essat su sole e-i sos chintāles
illāttana de oro ogni cunzādu.


E a s’ allughidųra ‘e s’ orizōnte
s’ ischėdan sos caddėttos de sa Giāra,
ansėles e mufrōnes in Limbāra
e-i sos sirbōnes in su Supramonte,
sos crabėttos s’ iscaldini su fronte
cun sos burrėcos intr’ ‘e s’ Asinara.


Fālat su sero…. Cun s’ iscurigōre,
dųdas mi nd’ ‘čnin,  ma non so guvārdu,
chi custa prenda nostra  chitt’ o tardu
la mųdede su tempus benidōre,
si la contivizāmus cun amōre
bantu tet āer onzųnu d’ esser Sardu.