Manzanu ‘e Pasca


Menzione d’ onore; Concorso “Limba e ammentos” Ittiri 19/11/2011
                                       Ittiri Cannedu, Beranu  2011

                               Romanu  Adriani  Lay
Columbas in bolu rujan s’ ačra,
a s’ and’ e torra da-i s’ orizonte
pigan e falan a segus su monte
e las ispinghet sa frina lizera,
nd’ apo de důdas, chi siat chimera,
abbangheladu ascende sa fronte.


E caddos nidos trappende su ‘entu
peri sas tancas, aniscos currende,
ebbas,  puddedos, sun tott’ annijende
e pessighendesi chen’ ausentu,
calches, isbirridos s’ issor’ apentu,
sol’ a los bider mi  sun ammajende.


Beran’ est isparghende sos umores
e-i sos ratos torran a brotare,
sa natura si ponet in andare,
onzi jassu s’ illatat de colores,
in s’ aer’ affumentos de fiores,
e rundineddas torrend’ a frundare.


Curren sos rios a su rie-rie
a cunsonu cun merulas frusciende
cantones cun sa robb’ abbelidende
e-i sos chintales cando faghet die
cumbidan a cantare pur’ a mie
ch’ ispantadu m’ arrčo remirende.
Ser’ a tesu repicos de campanas
che cando sonan a un’ ora fissa
chi sun s’ abbisu pro andar a missa,
e a s’ abboju  cun sas fitianas
b’ attopan pur’ ‘ajanos e bajanas
chi s’ adojan fattendes’ imprummissa.


E sighin sas campanas a sonare,
imbranconadu fui e m’ acchido,
tott’ unu sonnu fut, ca mi nd’ ischido,
m’ accer’ a su balcon’ a abbaidare,
sa zente ch’ est  bessend’ a passizare,
est deabberu como, cussu ch’ ‘ido.


Manzan’ ‘e Pasca, die ‘e ajubore,
immagines selčnas de inděcos
chi tůddin in cherveddos che isticos
isfustos cun buttěos de lentore,
totta sa zente s’ istrinat  amore
cun bonas ůras e mezus afficos.


Da-i campanile nňtas soberanas
e da-i sas tronas paghe an preigadu,
nessi cust’ ňe ch’ ŕpan iscultadu
in cussorzas bighinas e luntanas,
perdonamus anneos e mattanas
coment’ at fattu Cristos incravadu.